fbpx

შენი ბიზნესი ინტერნეტში

თქვენი სარეკლამო ბიუჯეტის რა ნაწილი უნდა დახარჯოთ Facebook რეკლამაზე?

facebook-reklamis-biujeti

facebook-reklamis-biujeti

მოდით ვისაუბროთ ციფრებზე. რადგანაც საქმე ეხება იმის გადაწყვეტას, თქვენი სარეკლამო ბიუჯეტის რა ნაწილი უნდა გადანაწილდეს Facebook-ის რეკლამებზე, ჩვენ უარს ვიტყვით ზოგადი რჩევების მოცემაზე.

არ გეტყვით, რომ თქვენი ბიუჯეტის 5% უნდა გადავიდეს ცუკერბერგის ჯიბეში.

დანახარჯის ოდენობა დამოკიდებულია იმაზე, თუ რისი შესაძლებლობა გაქვთ და რა არის თქვენი ბიზნესის მიზნები. სწორედ აქ შემოდის ციფრები.

ჩვენ ვაპირებთ, გაგიზიაროთ მარკეტინგის ფორმულები, რომლებიც პირადად თქვენ გეტყვით, რამდენი ფული უნდა დახარჯოთ Facebook რეკლამებში. ეს იგივე ფორმულები გამოსადეგია მაშინაც, როდესაც თქვენი ფეისბუქის სარეკლამო ბიუჯეტი შეადგენს 100₾ კვირაში და იმ შემთხვევაშიც, როცა კვირაში 10,000₾ ხარჯავთ.

ეს ყველაფერი ციფრებშია და ჩვენ ქვემოთ დეტალურად გაჩვენებთ მათ.

გაეცანით ჩვენს სერვისს: Facebook გვერდის მართვა და მიიღეთ საუკეთესო მომსახურების პირობები.

მარკეტინგის ფორმულები თქვენი Facebook რეკლამის ბიუჯეტის გასარკვევად

თქვენი ფეისბუქის რეკლამირების ბიუჯეტი არ არის რიცხვი, რომელსაც ვიმი ჰოფის ღრმა ამოსუნთქვის შემდეგ აიღებთ ციდან. ეს არის რიცხვი, რომელიც მოდის თქვენი ტვინის ლოგიკური მხარის ჩართვისა და მონაცემების მუშაობის შედეგად.

ჩვენ არ გვინდა, მათემატიკის პედაგოგი დაგაჭირვოთ, მაგრამ კალკულატორის მომზადება კარგი იდეაა.

აქ მოცემულია ფორმულები, რომლებსაც გამოიყენებთ იმის გასარკვევად, თუ რამდენი შეგიძლიათ, დახარჯოთ ფეისბუქის რეკლამებზე, იმისდა მიხედვით, თუ რა ჯდება თქვენი პროდუქტები. მას შემდეგ, რაც ამ ფორმულებს გადავხედავთ, მაგალითს გაგიზიარებთ, რათა ისინი მოქმედებაში ნახოთ.

პირველი ფორმულა იქნება თქვენი ანაზღაურება რეკლამის ხარჯზე (ROAS). თქვენი ანაზღაურება რეკლამის ხარჯზე გიჩვენებთ, თუ რას გამოიმუსავებთ რეკლამებზე დახარჯულ 1 ლარზე.

გავარკვიოთ ანაზღაურება რეკლამის ხარჯზე (ROAS):

ანაზღაურება რეკლამის ხარჯზე = შემოსავალი / დანახარჯი

მაგალითად, თუ 250 ლარი დახარჯეთ რეკლამებზე და 1000₾ შემოსავალი მიიღეთ, Facebook-ის რეკლამებში შეტანილ 1 ლარზე თქვენ გექნებათ 4₾ ანაზღაურება.

მეორე ფორმულა არის თქვენი ინვესტიციის ანაზღაურება (ROI). თქვენი ROI არის ის, რაც გამოიმუშავეთ რეკლამირებაში ჩადებული ფულის წაღების შემდეგ. ROAS-ისგან განსხვავებით, ეს არ გეუბნებათ, თუ რამდენს აკეთებთ Facebook-ზე დახარჯულ ლარზე. ეს გეუბნებათ, თუ რამდენს აკეთებთ მას შემდეგ, რაც რეკლამირების ყველა ხარჯს წაიღებთ.

გავარკვიოთ ინვესტიციის ანაზღაურება(ROI):

ROI = [(შემოსავალი – სარეკლამო ხარჯები) / სარეკლამო ხარჯები] x 100

მაგალითად, ვთქვათ, რომ თქვენ დახარჯეთ 500 ლარი Facebook-ის რეკლამებზე და გამოიმუშავეთ 3000 ლარი. თუმცა, თქვენ უნდა დაიქირაოთ ფასიანი რეკლამების ექსპერტი, რომელსაც უხდით 1000-ს და იყიდეთ $50-ანი SaaS ინსტრუმენტი ანალიტიკისთვის. თქვენი ROI იქნება (3,000 – 1,550 ლარი) გავყოთ 1,550 ლარზე. პროცენტულად რომ აქციოთ, ამრავლებ 100-ზე და მიიღებ 93,55% ROI-ს.

ჩვენ ახლა ამ ფორმულებზე გავამახვილებთ ყურადღებას, რომ წარმოდგენა გქონდეთ იმის შესახებ, თუ რისი მიღწევა შეგიძლიათ Facebook რეკლამებზე თანხის დახარჯვით. მას შემდეგ, რაც დაიწყებთ რეკლამების გაშვებას, თქვენ ასევე უნდა გაარკვიოთ თქვენი:

  • ლიდის ღირებულება (CPL)
  • თითო დაწკაპუნების ღირებულება (CPC)
  • მომხმარებლის საერთო ღირებულება (CLV)

ეს ფორმულები მოგაწვდით ინფორმაციას კონკრეტული რეკლამების შესახებ, რათა გააცნოთ, რამდენად კარგად მუშაობს თითოეული მათგანი თქვენი Facebook მარკეტინგის სტრატეგიის დიდ სქემაში. გამომდინარე იქიდან, თუ რამდენად კარგად მუშაობს თითოეული რეკლამა ან სარეკლამო ნაკრები, თქვენ შეგიძლიათ, დაუთმოთ მეტი თანხა მათ, თუ ისინი კარგად მუშაობენ ან გამორთოთ, თუ ისინი ძალიან ძვირი ჯდება.

როგორ გამოიყურება ეს ფორმულები რეალურ ცხოვრებაში

გახსოვთ გეომეტრიის გაკვეთილზე ჯდომისას იმაზე ფიქრი, როდის გამოგადგებოდათ ეს ფორმულები რეალურ ცხოვრებაში? ეს არ ჰგავს გეომეტრიის გაკვეთილს.

ჩვენ გვინდა, გაჩვენოთ, ზუსტად როგორ გამოიყურება ეს ფორმულები მათი განხორციელებისას, იმის გასარკვევად, თუ რა არის თქვენი Facebook რეკლამის ბიუჯეტი.

კალკულატორის ჩართვის დროა.

უნდა დავადგინოთ, თუ რამდენს დახარჯავთ და რა იქნება თქვენი სარეკლამო ხარჯები ROAS და ROI მიზნების მისაღწევად. ეს მიზნები მთლიანად დამოკიდებულია:

  1. რა მოგებას მოაქვს თქვენს ბიზნესს
  2. რამდენად ყიდით თქვენს პროდუქტს
  3. რა ღირს თქვენი პროდუქტის დამზადება ან შენარჩუნება

მაგალითად, თუ თქვენ ახალი სტარტაპი ხართ მცირე მარკეტინგის ბიუჯეტით, საჭიროა თქვენი ROAS და ROI საკმაოდ მაღალი იყოს. ეს მოგება გჭირდებათ თქვენი ბიზნესისთვის იმპულსის პოვნაში. თუ დამკვიდრებული ბიზნესი ხართ, დაბალ ROAS და ROI-ს უფრო მარტივად გაუმკლავდებით, უფრო მეტი ლიდების სანაცვლოდ, რომლებიც მომავალში *შეიძლება* მომხმარებლებად გადაიქნენ.

ვთქვათ, თქვენ ყიდით 100 ლარიან ონლაინ კურსს და გსურთ მან თვეში მინიმუმ 10,000 ლარი მოიტანოთ Facebook-დან, რათა თქვენი დროის ხარჯვა ღირდეს. საშუალო ROAS Facebook-ზე განსხვავებულია. იმის შესაფასებლად, თუ რამდენი ფულის ჩადება შეგიძლიათ პლატფორმაში, ვთქვათ, რომ ეს არის 6-10x. თქვენი მიზანია უმაღლესი დონის დაჭერა და 10x ROAS მიღება.

იმის გასარკვევად, თუ რამდენი შეგიძლიათ დახარჯოთ რეკლამებზე, გამოიყენებთ ROAS ფორმულას, მაგრამ ეძებთ ცვლადს “ხარჯი”:

ანაზღაურება რეკლამის ხარჯზე (ROAS) = შემოსავალი / ხარჯი

თქვენი ფორმულა ასე გამოიყურება:

10 = 10,000₾ / ხარჯი

ჩავრთოთ მცირე მათემატიკა იმის გასარკვევად, რომ თქვენ უნდა დახარჯოთ 1000₾, რათა 10,000₾ მიიღოთ Facebook რეკლამებიდან.

როგორ მუშაობს ეს თქვენი ბიზნესისთვის?

თქვენ იგივე უნდა გააკეთოთ ROI-სთან დაკავშირებითაც. გადახედეთ ციფრებს, რათა გაერკვიოთ, თუ რამდენი ROI გჭირდებათ სარეკლამო ხარჯებიდან. მათემატიკის გამოყენება შეგიძლიათ პლატფორმაზე წარმატების მისაღწევად და თქვენი მაქსიმალური სარეკლამო ხარჯების დასადგენად.

მთელ თქვენს ფულს Facebook-ზე ნუ დახარჯავთ

Facebook რეკლამები თქვენი მარკეტინგის სტრატეგიის ერთ-ერთი ნაწილია და არა ერთადერთი. ისევე, როგორც თქვენი სტრატეგიის ნებისმიერი ახალი ნაწილის შემთხვევაში, თქვენ ისიც უნდა შეამოწმოთ, სანამ მთლიანად ჩაერთვებით.

სწორედ აქ შემოდის ROAS და ROI. ამ ფორმულების საშუალებით შეგიძლიათ, გაერკვიოთ რა გჭირდებათ Facebook-ისგან, რათა ღირსეულ ინვესტიციად იქცეს. ამის შემდეგ, თქვენ შეგიძლიათ, შეამოწმოთ ის უფრო მცირე ბიუჯეტით, ხოლო გაერკვიოთ, თუ რომელი რეკლამის მეთოდი და შემოთავაზებები მუშაობს საუკეთესოდ თქვენი აუდიტორიის შექმნისას.

გამომდინარე იქიდან, რომ Facebook-ის რეკლამებს სწავლის ეტაპი აქვს ყველა ახალი სარეკლამო ანგარიშისთვის, Facebook სატესტო რეჟიმში გთავაზობთ მხოლოდ 20%-ის გამოყენებას იქიდან, რის დახარჯვასაც აპირებთ Facebook-ის რეკლამებზე. თუ თქვენი ROAS და ROI-დან დაადგენთ, რომ კვირაში 1000 ლარის დახარჯვა შეგიძლიათ Facebook-ის რეკლამებზე, Facebook-ის სატესტო რეჟიმისას მხოლოდ 200 ლარს გამოყოფთ.

იხილეთ ჩვენი სერვისები:

იხილეთ რეკომენდირებული სტატიები:

გამოგვყევით სოციალურ ქსელებში:

Skip to content