საკონტაქტო
+995 593 26 26 12
+995 571 85 07 43
info@imc.ge
გამოგვყევი
Facebook
Instagram

Facebook 4 ახალ ელ. კომერციულ ფუნქციას ამატებს

facebook-axali-funqciebi

Facebook-ს შემოაქვს ინტერნეტის საცალო მოვაჭრეებისთვის ახალი გზები, რათა თავიანთი პროდუქცია უფრო მეტ მომხმარებელს მიაწოდონ და გაზარდონ გაყიდვები.

 Facebook, Instagram და WhatsApp იძენენ ახალ მახასიათებლებს, რაც ხელს შეუწყობს საცალო ვაჭრობას, თავიანთი პროდუქციის უფრო მეტ მომხმარებლამდე მიტანასა და გაყიდვების ზრდაში.

მომხმარებლები სულ უფრო ხშირად მიმართავენ Facebook-ს, როგორც აღმოჩენის სისტემას ახალი პროდუქტების მოსაძებნად.

კომპანია იუწყება, რომ ადამიანების 74% იყენებს Facebook-ის პლატფორმებს ბრენდების ან პროდუქტების ონლაინ აღმოჩენისთვის.

საცალო ვაჭრობის გარკვეული კატეგორიები სხვებზე უკეთ მუშაობს. გამოკითხულთა 85%-ზე მეტმა შეიძინა მოდის, სილამაზის, ავეჯის ან ელექტრონული პროდუქტი, რომელიც პირველად Facebook-ის პლატფორმაზე აღმოაჩინა.

ახლა მომხმარებლებს პროდუქტების აღმოჩენისა და შეძენის ახალი გზები აქვთ, რაც საცალო ვაჭრობის გაყიდვის უფრო მეტ შესაძლებლობებს ნიშნავს.

მორიგი განახლებები მოიცავს:

  • მაღაზიების გამოჩენა უფრო მეტ ადგილას
  • მომხმარებელთა მიმოხილვა Instagram-ზე
  • მაღაზიების რეკლამები
  • AR-ის გაფართოებული გამოყენება

აქ მოცემულია სრული დეტალები.

მეტი ადგილი Facebook მაღაზიებისთვის

Facebook Shop-ის შექმნისთანავე, პროდუქტები ჩნდება მაღაზიათა ჩანართებში Instagram-სა და Facebook-ზე.

თვეში მილიარდზე მეტი ადამიანი იყენებს Facebook Marketplace-ს, ამიტომ Facebook აადვილებს ბიზნესისთვის მათი მაღაზიების Marketplace-ში შეტანას, რათა კიდევ უფრო მეტი ადამიანისთვის იყოს ხელმისაწვდომი.

აშშ-ში ბიზნესს ახლა შეუძლია აირჩიოს Marketplace, როგორც დამატებითი გაყიდვების არხი. გარდა ამისა, რამდენიმე ქვეყნის ბიზნესს შეუძლია აჩვენოს მთელი თავისი მაღაზია WhatsApp-ში.

WhatsApp-ის მომხმარებლებს შეუძლიათ დაათვალიერონ მაღაზიის ინვენტარი, მიიღონ ინფორმაცია პროდუქტის შესახებ და ისაუბრონ კონკრეტულ ნივთებზე შეძენის დაწყებამდე.

whatsapp-maagazia

მაღაზიის მხოლოდ ერთხელ შექმნაა საკმარისი, რომ მან იმუშაოს Facebook-ზე, Instagram-სა და WhatsApp-ში.

მომხმარებელთა მიმოხილვა

მომდევნო რამდენიმე თვის განმავლობაში მომხმარებელთა რეიტინგები და მიმოხილვები გავრცელდება Instagram-ის მაღაზიებში განთავსებულ პროდუქტებზე.

როდესაც ეს ფუნქცია ამოქმედდება, წერილობითი მიმოხილვების გარდა, საზოგადოებიდან ის მიიღებს ფოტოებსა და ვიდეოებს.

instagram-magazia

Facebook განცხადებაში ნათქვამია:

 „ჩვენ ყოველთვის გვინდა, რომ მყიდველები დარწმუნებულნი იყვნენ თავიანთი შენაძენებში, ამიტომ ხალხს უფრო მეტ ინფორმაციას ვაძლევთ, სანამ იყიდიან.

ეს ცვლილებები დაეხმარება ხალხს უფრო ინფორმირებული გადაწყვეტილებების მიღებაში, თუ რა უნდა იყიდონ. ამასთან, ბიზნესს შეატყობინებენ, აკმაყოფილებენ თუ არა ისინი მომხმარებელთა მოლოდინებს. ”

პერსონალიზებული მაღაზიის რეკლამები

Facebook იწყებს ახალ რეკლამებს სავაჭრო გამოცდილების პერსონალიზებისთვის და მომხმარებლებს მაღაზიის კოლექციისკენ კურირებს

facebook-axali-reklamebi

მაღაზიის რეკლამებს საშუალება ექნებათ გააგზავნონ მყიდველები იქ, სადაც ისინი, სავარაუდოდ, შეიძენენ პროდუქტს წინასწარი სავაჭრო აქტივობებზე დაყრდნობით.

მომავალში, Facebook-ი დაამატებს გზებს, რათა დაეხმაროს ბიზნესს საკუთარი რეკლამების კიდევ უფრო პერსონალურად შერჩევაში სპეციალური შეთავაზებებით ან აქციებით.

AR-ის გაფართოებული გამოყენება

Facebook-ის თქმით, Augmented Reality (AR)-ს შემოაქვს „მაგია“ in-store შოპინგის მობილურ გამოცდილებაში. რაც მეტ ბრენდს აძლევს საშუალებას, ვირტუალურად გამოაცდევინონ მომხმარებლებს თავიანთი პროდუქცია.

Facebook ავითარებს ახალ API-ს, რაც ბრენდებისა და რეკლამერებისთვის უფრო ადვილს, სწრაფს და ხარჯთმომგებიანს გახდის AR-ის შეტანას მათ კატალოგებში.

ეს პირველად ბრენდების სილამაზის კატეგორიაში გამოჩნდება, უახლოეს მომავალში მხარდაჭერა სხვა ვერტიკალებზეც ამოქმედდება.

დაბოლოს, Facebook-ს შემოაქვს AR-ს ახალ სარეკლამო განყოფილება, რომელიც ავტომატურად აჩვენებს ხალხს შესაბამის პროდუქტებს მათი ინტერესებიდან გამომდინარე. ეს კი ხელს შეუწყობს მათ, „სცადონ“.

facebook-AR

ამჟამად AR-ზე დაფუძნებული რეკლამების ტესტირება მიმდინარეობს და წლის ბოლოს უფრო მეტი ბრენდისთვის იქნება ხელმისაწვდომი.

წყარო: Facebook For Business

იმედია, სასარგებლო და ინფორმაციული სტატია გამოგვივიდა. დასტურად, გაუზიარეთ მეგობრებს.

იხილეთ ჩვენი სერვისები:

იხილეთ რეკომენდირებული სტატიები:

გამოგვყევით სოციალურ ქსელებში:

Author avatar
ედიკა ელბაქიძე