ვებ დეველოპმენტი – სხვადასხვა სახეობა დამწყებთათვის

Web-developement

ვებ დეველოპერი არის ერთ-ერთი ყველაზე საინტერესო პროფესია კომპიუტერული მეცნიერების სპეციალობისათვის, რადგან ის ანალიტიკურ და ტექნიკურ უნარებს აკავშირებს შემოქმედებით დიზაინთან და განვითარებასთან. ვებ დეველოპერები მუშაობენ ისეთ პროფესიონალებთან, ვინც აქტიურად არის ჩართული IT-ში, გაყიდვებში, მარკეტინგსა და სხვა განყოფილებებში, რათა შექმნან ვებსაიტები, რომლებიც მოიზიდავს და შეინარჩუნებს მომხმარებლებს, რაც ხელს შეუწყობს ბიზნესის განვითარებას ან სამთავრობო სააგენტოს ეფექტურობას. ვებ გვერდები იმდენად მნიშვნელოვანია კომპანიის წარმატებისთვის, რომ აშშ-ს შრომის სტატისტიკის ბიურო (BLS) წინასწარ ვარაუდობს, რომ 2019 წლიდან 2029 წლამდე მოთხოვნა ვებ დეველოპერებზე 8%-ით გაიზრდება. სწორედ ამიტომ, ვებ დეველოპმენტი 21-ე საუკუნის ერთ ერთ მნიშვნელოვან და გამორჩეულ პროფესიად ჩამოყალიბდა.

თუ გჭირდებათ ვებ საიტის დამზადება, დაგვიკავშირდით და ჩვენ შემოგთავაზებთ საუკეთესო პირობებს! +995 593 26 26 12

ვებ დეველოპმენტი მოიცავს სამი ტიპის როლს: დეველოპერები, რომლებიც სპეციალიზირებულნი არიან მომხმარებლის მუშაობაში (ე. წ. „front-end“), ისინი, ვინც უთითებენ კოდს ვებსაიტის ყველა ოპერაციის შესასრულებლად (ე. წ. „back-end“) და ისინი, ვინც ხელმძღვანელობენ ვებსაიტის ყველა პუნქტს (ე. წ. “full-stack”). თითოეული ტიპი კონცენტრირებულია ვებ დეველოპმენტის სხვადასხვა სფეროზე, მაგრამ მათ აქვთ ერთი საერთო: კოდირება. კომპიუტერული მეცნიერების ბაკალავრიატის პროგრამის გავლა არის ერთ-ერთი ყველაზე კარგი საშუალება პროგრამირების უნარ-ჩვევების შესასწავლად, რაც არის ძალიან მოთხოვნადი ვებ დეველოპმენტის პროფესიისთვის. 

რა არის ვებ დეველოპმენტის სხვადასხვა ტიპი?

როდესაც მომხმარებლები აჭერენ ვებგვერდის ბმულს, როგორიცაა ე. წ. “Pay Now” ღილაკი, ისინი იშვიათად ფიქრობენ იმ ძირითად კომპონენტზე, რომელიც აიძულებს მათ გადავიდნენ გადახდის გვერდზე. ვებ დეველოპერები პასუხისმგებლები არიან შექმნან ამ ღილაკის გარეგნობა, ისევე როგორც ლოგიკა, რომელიც მართავს ვებსაიტს. აქ შეგიძლიათ იხილოთ ვებ დეველოპმენტის სამი ძირითადი ტიპი:

Front-end ვებ დეველოპმენტი

Front-end ვებ დეველოპმენტი პასუხისმგებელია ვებგვერდის გარეგნობაზე. ეს კი წარმოგვიდგენს იმას, თუ როგორ ჩნდება ფერები, ტიპი, სიმბოლოები და სურათები. Front-end დეველოპერმა უნდა გაითვალისწინოს და გაითავისოს, თუ როგორ გამოიყურება ვებსაიტი ყველა მოწყობილობაზე, დესკტოპიდან დაწყებული ტაბლეტებით და ტელეფონებით დამთავრებული. Პროგრამირების ზოგადი ენები მოიცავს HTML, JavaScript და CSS-ს. Front-end დეველოპერები თვალყურს ადევნებენ ვებ დიზაინისა და განვითარების უახლეს ტენდენციებს, რათა დარწმუნდნენ, რომ ვებსაიტები ოპტიმიზირებულია მომხმარებლებისა და საძიებო სისტემებისთვის.

Back-end ვებ დეველოპმენტი

Back-end ვებ დეველოპერი პასუხისმგებელია კოდის შექმნასა და შენარჩუნებაზე, რომელიც შემდგომ ხელმძღვანელობს ვებსაიტს. ეს კოდი აკავშირებს ვებსაიტს სერვერთან და უზრუნველყოფს ვებსაიტზე მონაცემების სწორად განლაგებასა და ტრანზაქციების სწორად დამუშავებას. პროგრამირების ზოგადი ენებია Java (რომელიც განსხვავდება JavaScript-ისგან), PHP და MySQL; უახლესი ინსტრუმენტები კი  მოიცავს Python და Golang. სოციალურ ქსელებში მონაწილეობის დახმარებით back-end ვებ დეველოპერებს შეუძლიათ გააგრძელონ ტექნოლოგიების შეცვლა და გაიზიარონ კოდირების რჩევები.

Full-stack ვებ დეველოპმენტი

Full-stack ვებ დეველოპერი პასუხისმგებელია იმ ნაწილებზე, რაც Front-end და Back-end დეველოპერები. ვებსაიტის სირთულიდან გამომდინარე, full-stack დეველოპერი შეიძლება იყონ პასუხისმგებელნი მისი განვითარების ყველა ასპექტზე, სერვერის მხრიდან დაწყებული მომხმარებლის ინტერფეისით დამთავრებული. ბევრი full-stack დეველოპერი შეიძლება ჯერ კიდევ სპეციალიზირებული იყოს ვებ დეველოპმენტის მხოლოდ ერთ ასპექტში, მაგრამ შესაძლოა ითქვას, რომ მათი ფართო გამოცდილება ძალიან მნიშვნელოვანი გასათვალისწინებელია პრობლემების აღმოფხვრაში. Full-stack დეველოპერები ხშირად პასუხისმგებელნი არიან უახლესი ტექნოლოგიების იდენტიფიცირებასა და ამოცნობაზე, როგორიცაა მაგალითად, გაუმჯობესებული პროგრამირების ენები (ან დაბალი დონის კოდის სიახლეები) და ბლოკჩეინი, რომლებიც შეიძლება გამოყენებულ იქნას ვებსაიტების ბიზნეს შესაძლებლობების გასაძლიერებლად.

წარმატების მისაღწევად გასათვალისწინებელი მნიშვნელოვანი უნარ-ჩვევები

ალბათ გაინტერესებთ, რა განსაზღვრავს წარმატებულ ვებ დეველოპერს? ქვემოთ მოცემულია მხოლოდ რამდენიმე უნარი, რომელიც დაეხმარება პროფესიონალებს გააუმჯობესონ თავიანთი კარიერა ვებ დეველოპმენტში.

  • კომპიუტერული მეცნიერების შესაძლებლობები– ძლიერი კოდირების უნარები აუცილებელი გასათვალისწინებელია. კომპიუტერული მეცნიერების ენების დაუფლება, როგორიცაა HTML და CSS, რაც ჯერ მხოლოდ დასაწყისია. ტექნოლოგიები სწრაფად იცვლება და დღითიდღე უმჯობესდება, ამიტომ ახალი კოდირებული ხერხების შესწავლა არის ძალიან მნიშვნელოვანი.
  • დეტალებზე აქცენტის  გაკეთება– კოდის ტესტირება მოითხოვს მოთმინებას და ანალიტიკური უნარ-ჩვევების ჩართულობას იმის გასარკვევად, თუ რა არ გაკეთდა სწორად და როგორ შეიძლება ეს პრობლემა აღმოვფხვრათ.
  • შემოქმედებითი/კრეატიული აზროვნება- წარმატებულმა ვებსაიტებმა უნდა მოიზიდონ, რაც შეიძლება მეტი მომხმარებელი, ამასთანავე საჭიროა მომხმარებლისათვის გახადონ საძიებო სისტემა უფრო ხილვადი, მარტივი და მოსახერხებელი. წარმატებული საიტის შესაქმნელად, ვებ დეველოპერებმა უნდა გამოიჩინონ კრეატიულობა იმაში, თუ როგორ გააერთიანონ მომხმარებლის გამოცდილება, საძიებო სისტემის ოპტიმიზაციასთან და სხვა ფაქტორებთან ერთად. 

მიუხედავად იმისა, რომ ბევრი ვებ დიზაინერი მუშაობს ინდივიდუალურად, უმეტესობას ურჩევნია მუშაობა ორგანიზაციის ძალების დახმარებით. მაგალითად, წარმატებული ვებსაიტის შესაქმნელად, ძალიან მნიშვნელოვანია გაყიდვების განყოფილების მოთხოვნილებების გაგება, გააზრება და გათვალისწინება. ასევე აუცილებელია თანამშრომლობა გაუწიოთ გამოცდილ ადამიანებს ან იმ ექსპერტთა პირებსა და პროფესიონალებს, ვისაც შეუძლია შექმნას კარგი კონტენტი.

ვებ დეველოპერებს შეუძლიათ თამამად დაეყრდნონ საზოგადოების მრავალფეროვან წყაროებს ყველაფერში, სამუშაოს ძიებიდან დაწყებული კოდირებასთან დაკავშირებული პრობლემების მოგვარებით დამთავრებული. ვებ ექსპერტები ახალ დეველოპერებს ურჩევენ გახდნენ ამ საზოგადოების განუწყვეტელი ნაწილი.

გადახედეთ ვებ დეველოპმენტის სხვადასხვა პროფესიას

ისევე, როგორც ვებ დეველოპმენტის სხვადასხვა სახეობა, ასევე არსებობს ვებ დეველოპმენტის სხვადასხვა პროფესია. მიუხედავად იმისა, რომ ეს ორი კონკრეტული ასპექტი ერთმანეთს ემთხვევა, თითოეულ როლს აქვს განსხვავებული პასუხისმგებლობა და მოითხოვს განსხვავებულ უნარებს. 

ვებ დიზაინერი

ვებ დიზაინერი (ან ციფრული დიზაინერი) პასუხისმგებელია ვებსაიტის გარეგნობაზე. მათ უნდა ჰქონდეთ მრავალრიცხოვანი უნარი ისეთ სფეროებში, როგორიც არის დიზაინი, ხელოვნება და კოდირება, ასევე დიდი გამოცდილება საიტების დამზადებაში, რომელიც უნდა იყოს ფუნქციონალური, მიმზიდველი, წარმატებული და მორგებული მომხმარებლებზე. ვებ დიზაინერები საიტის შექმნის მიზნით, იყენებენ გრაფიკული დიზაინის კომპიუტერულ სპეციალურ პროგრამებს. მიუხედავად იმისა, რომ კოდირება არ არის მათი ერთადერთი ამოცანა, კომპიუტერული მეცნიერების გამოცდილების შეძენა ასევე ძალიან მნიშვნელოვანია ვებ პროგრამისტისთვის, რათა ძირფესვიანად გაანალიზოს და შეისწავლოს მათი მიზნები. PayScale.com-ის მონაცემების თანახმად 2021 წლის აპრილიდან მოყოლებული, ვებ დიზაინერის საშუალო საწყისი ხელფასი წელიწადში დაახლოებით $43,000-ია; გამოცდილების მატებასთან ერთად კი, საშუალო ხელფასი წელიწადში ხდება დაახლოებით $60,000.

ვებ პროგრამისტი

ვებ პროგრამისტის ან ვებ დეველოპერის მთავარი მიზანია ჩაწეროს კოდი, რომელიც გააუმჯობესებს ვებსაიტს. Front-end ვებ პროგრამისტები აფუძნებენ გვერდებს, რომლებსაც ვებ დიზაინერი ქმნიან. Back-end ვებ პროგრამისტები წერენ სერვერის კოდს, რომელიც მართავს და ხელმძღვანელობს ვებსაიტს. ვებ პროგრამისტები ხშირად იზიარებენ ვებ დიზაინის იდეებსა და აზრებს, რადგან ისინი პასუხისმგებელნი არიან მომხმარებლის მიმზიდველობასა და შენარჩუნებაზე. ვებ პროგრამისტების საშუალო საწყისი ანაზღაურებაა დაახლოებით $49,000 წელიწადში; ხოლო, PayScale.com-ის მონაცემების თანახმად 2021 წლის აპრილიდან მოყოლებული, გამოცდილების მატებასთან ერთად, საშუალო ხელფასი არის დაახლოებით $64,000 წელიწადში.

კონტენტის დეველოპერი

ვებ კონტენტის დეველოპერი ქმნის ისეთ შინაარსს, რომელიც აუცილებლად მოხვდება ვებსაიტზე. ეს შეიძლება მოიცავდეს ბლოგ-პოსტებს, პროდუქტის აღწერას, სურათებს და ვიდეოებს და ახალ ამბებს. კონტენტის დეველოპერებს ასევე შეიძლება ჰქონდეთ ისეთი უნარები, როგორიცაა HTML და საძიებო სისტემის ოპტიმიზაცია (SEO), რომლებსაც ისინი აქტიურად იყენებენ იმისათვის, რომ დარწმუნდნენ, რომ მათი ვებსაიტები კარგად არის განთავსებული საძიებო სისტემაში. PayScale.com-ის მონაცემების თანახმად, 2021 წლის აპრილიდან მოყოლებული, ვებ კონტენტის დამაარსებლის საშუალო ხელფასი წელიწადში დაახლოებით 49,000 აშშ დოლარია.

ვებმასტერი

ვებმასტერი პასუხისმგებელია ორგანიზაციის ვებგვერდის ყველა პუნქტზე, მათ შორის დიზაინზე, არქიტექტურაზე (თუ როგორ არის განთავსებული ინფორმაცია საიტზე), კოდირებაზე, უსაფრთხოებაზე და ა. შ. ვებმასტერი მუშაობს პროგრამისტებთან, დიზაინერებთან და მარკეტინგის წარმომადგენლებთან ერთად, რათა დარწმუნდეს, რომ ვებსაიტი არის საკმარისად ეფექტური მომხმარებლების მოზიდვისა და შესანარჩუნებლად და წარმატებულია, როგორც ორგანიზაციის ბიზნეს სტრატეგიის ერთ-ერთი ნაწილი. ვებმასტერს უნდა ესმოდეს დიზაინი, კოდირება, გაყიდვები და მარკეტინგი მაღალ დონეზე. ვებმასტერების საშუალო საწყისი ხელფასი არის დაახლოებით $49,000 წელიწადში; ხოლო, PayScale.com-ის მონაცემების თანახმად, 2021 წლის აპრილიდან მოყოლებული, გამოცდილების მატებასთან ერთად, საშუალო ხელფასი არის დაახლოებით $59,000 წელიწადში. 

თანამედროვე ბიზნესის აუცილებელი დანიშნულება

კარგად შემუშავებული და კარგად ფუნქციონირებადი ვებგვერდი არის ძალიან მნიშვნელოვანი კომპანიის შემდგომი ბიზნეს წინსვლისთვის. ვებსაიტების ფუნქცია უფრო მეტია, ვიდრე მხოლოდ პროდუქტის გაყიდვის საშუალება; მათ უნდა ჩართონ მომხმარებლები და უზრუნველყონ მომხმარებელთა გამოცდილების აქტიურად გამოყენება, რათა კლიენტები უკან დაბრუნდნენ. წარმატების ამ ამოცანის შესასრულებლად, ვებსაიტები უნდა იყოს კარგად და ხარისხიანად დაპროექტებული, გადამუშავებული და შენახული. ამ მიზნის მისაღწევად კი, ვებ დეველოპმენტის სამივე სახეობა, რომელიც იყო ჩამოთვლილი, უნდა მუშაობდეს ერთობლივად და ურთიერთშეთანხმებულად. 

შედეგად, ვებ დეველოპმენტის პროფესიონალებზე მოთხოვნა, იქნება ეს front-end, back-end თუ full-stack დეველოპერები, ძლიერია. ეს არის იდეალური პროფესიული არჩევანი იმ ადამიანთა ჯგუფისთვის, ვინც არის ანალიტიკური, დეტალებზე ორიენტირებული და კრეატიული, კომუნიკაციისა და სოციალური ქსელების ცოდნის კარგი უნარ-ჩვევებით.

იხილეთ ჩვენი სერვისები:

იხილეთ რეკომენდირებული სტატიები:

გამოგვყევით სოციალურ ქსელებში:

სტატიის ავტორი: მარიამ ტატულაშვილი

Author avatar
მარიამ ტატულაშვილი