რატომ არის საჭირო ვიდეო კონტენტი?

როდესაც ადამიანების უმეტესობა ფიქრობს ვიდეო კონტენტზე, ისინი მოიაზრებენ Netflix-ს, YouTube-ს, TikTok-ს ან თუნდაც Instagram Reels-ს. რაც შეიძლება არ განიხილოთ არის ის, თუ რამდენად დიდი გავლენა შეიძლება ჰქონდეს ვიდეო კონტენტს თქვენს ვებსაიტზე. განაგრძეთ კითხვა და გაარკვიეთ, რატომ უნდა იყოს ვებსაიტის ვიდეო კონტენტის
შექმნა თქვენი ერთ-ერთი მთავარი პრიორიტეტი. ციფრული ეპოქა შეიცვალა, რაც ნიშნავს იმას, რომ აუდიტორია უფრო მეტად უყურებს ვიდეოს თქვენი ბიზნესის ან ორგანიზაციის შესახებ, ვიდრე კითხულობს ტექსტს.

ვებსაიტის ვიდეო კონტენტი ეხმარება SEO-ს

რა არის ორი უდიდესი საძიებო სისტემა? ეს არის ნომერ პირველი – Google, მაგრამ მეორე შეიძლება გაგიკვირდეთ, ეს არის – YouTube! და გამოიცანით ვის ეკუთვნის YouTube? რა თქმა უნდა – Google-ს.

ეს ნიშნავს, რომ როდესაც ოპტიმიზაციას უკეთებთ თქვენს YouTube არხს და ვიდეოებს, დგამთ დიდ ნაბიჯებს SEO სტრატეგიის განვითარებისკენ. იქიდან შეგიძლიათ YouTube-ის ვიდეოების ჩასმა თქვენს ვებსაიტზე, ამიტომაც გაქვთ უპირატესობა SEO-ს სამყაროში. როგორც დამატებული SEO ბონუსი, ვებსაიტის ვიდეო კონტენტი ასევე დიდხანს ინახავს  თქვენს ვიზიტორებს. ეს ასევე ეუბნება Google-ს, რომ თქვენი ვებ-გვერდი საკმაოდ მნიშვნელოვანია და უნდა აჩვენონ ის უფრო მეტ ადამიანს.

პროფესიონალური რჩევა: დაამატეთ საკვანძო სიტყვები, აღწერილობები და ტეგები თქვენს YouTube ვიდეოებს, კონტენტის ოპტიმიზაციისთვის. ვებსაიტის ვიდეო კონტენტი საშუალებას გაძლევთ მკაფიოდ დაუკავშირდეთ აუდიტორიას და უთხრათ ზუსტად ის, რისი გაზიარებაც გსურთ.

თქვენი ვებსაიტის ვიზიტორები კითხულობენ თქვენი შინაარსის მხოლოდ 20%-ს, რათა იპოვონ მათთვის საჭირო ინფორმაცია, სანამ სხვა რამეზე გადავლენ. ასეთ შემთხვევებში, გჭირდებათ მცირე ზომის კონტენტი, რომ დააინტერესოთ ისინი და დატოვოთ თქვენს ვებსაიტზე უფრო დიდხანს.

აქ მოცემულია რამდენიმე არსებითი სტატისტიკა ვიდეო კონტენტისა და მისი გავლენის შესახებ:

• ინტერნეტის მომხმარებლების საშუალოდ 88% მეტ  დროს ატარებს ვებსაიტზე ვიდეოს საყურებლად.
• პოტენციური მომხმარებლების 54%-ზე მეტს სურს ნახოს მეტი ვიდეო, ვიდრე ვებსაიტზე იკითხოს ტექსტური ინფორმაცია.
• მარკეტოლოგების მინიმუმ 80% ამტკიცებს, რომ მათ ვებსაიტზე არსებული ვიდეო კონტენტი ეხმარება მათ აქტივობის გაზრდაში.
• პოტენციური მომხმარებლების სულ მცირე 64% ონლაინ ვიდეოების ყურების შემდეგ, შეთავაზებულ პროდუქტს ყიდულობს.

და იმისთვის, რომ მეტად დარწმუნდეთ მის აუცილებლობაში, ახლა ჩვენ ვაპირებთ უფრო მეტად განვიხილოთ რამდენიმე საუკეთესო მიზეზი, რის გამოც თქვენი ვებსაიტი ყოველთვის უნდა შეიცავდეს ვიდეო კონტენტს.

1. გახადეთ შეთავაზება გასაგები

ეს არის იდეალური საშუალება ინფორმაციის დიდი ნაწილის დაყოფისთვის პატარა ნაწილებად, რომლებიც მარტივად აღსაქმელი იქნება.

ადამიანის ტვინი ამუშავებს ვიზუალს, ტექსტზე 60000-ჯერ უფრო სწრაფად. ასე რომ, ყველაფერი ლოგიკურია, მაყურებელი, ინახავს ინფორმაციის 95%-ს, ვიდეოს ყურებისას.

თქვენს საიტზე ვიდეო კონტენტის დამატებამ შეიძლება მოგცეთ უნიკალური შესაძლებლობა, აჩვენოთ თქვენს პოტენციურ მომხმარებლებს, რას სთავაზობთ და რა სარგებლის მოტანა შეგიძლიათ მათთვის.

2. გაზარდეთ ბრენდის ონლაინ ხილვადობა

ამდენი კონკურენციის პირობებში მომხმარებელთა ყურადღების მისაქცევად, გჭირდებათ სწრაფი და მიმზიდველი გზა, რათა აჩვენოთ თქვენი ვებსაიტის ვიზიტორებს, თუ რატომ უნდა იყვნენ დაინტერესებულნი თქვენი ბრენდით. ამ შემთხვევაში, ვიდეო კონტენტი უდავოდ არის საიმედო გზა თქვენი ბრენდის ონლაინ ექსპოზიციის გასაძლიერებლად.

ვიდეო კონტენტი დაგეხმარებათ გაზარდოთ თქვენი ძალისხმევა SEO-სთვის. ეს გააუმჯობესებს თქვენს რეიტინგს საძიებო სისტემის შედეგების გვერდებზე. ეს იმიტომ ხდება, რომ საძიებო სისტემის ალგორითმის უმეტესი ნაწილი პრიორიტეტს ანიჭებს მდიდარ და უნიკალურ შინაარსს.

3. გაზარდეთ თქვენი ვებსაიტის კონვერტაციის კურსი

წერილობითი შინაარსისგან განსხვავებით, ვიდეო შინაარსს შეუძლია ემოციურად დაუკავშირდეს თქვენს ვიზიტორებს. ის ასე ძლიერად ეხმიანება მაყურებლებს და არწმუნებს მათ, რომ გადაიქცნენ ვიზიტორებიდან, ერთგულ მომხმარებლებად.

ის ფაქტი, რომ ვიდეო იწვევს 80%-მდე გაზრდილ კონვერტაციის მაჩვენებელს, არავისთვის არ უნდა იყოს გასაკვირი. როგორც შესანიშნავი გადმოცემის საშუალება, ვიდეო არის მიმზიდველი ინსტრუმენტი თქვენი ვიზიტორების ყურადღების მოსაზიდად ბევრად უფრო ეფექტურად, ვიდრე ნებისმიერი სხვა ტიპის ფორმატი.
ამ გზით, ამან შეიძლება გამოიწვიოს კონვერტაციის მაჩვენებლების გაზრდა. კონვერტაციის მაღალი კოეფიციენტი ნიშნავს, რომ მეტი ვიზიტორი დააწკაპუნებს თქვენს ქმედებისკენ მოწოდებას და ასრულებს სასურველ მოქმედებას გაყიდვის შესაქმნელად.

აზრი არ აქვს საძიებო სისტემის შედეგებში მაღალ რეიტინგს, თუ რეალურად არავის აინტერესებს თქვენი საიტის მონახულება. საბედნიეროდ, ვიდეოს გამოყენება არა მხოლოდ გაზრდის თქვენს ონლაინ ექსპოზიციას, არამედ გაზრდის ტრაფიკს თქვენს ვებსაიტზე.

მისი ელემენტები, როგორიცაა თვალწარმტაცი ესკიზები და სათაური, საკმარისად ძლიერია აუდიტორიის ცნობისმოყვარეობის გასაღვივებლად და წაასახალისებლად.
სწორედ ამიტომ, გასაკვირი არ არის, თუ რატომ ამბობენ მარკეტოლოგების მინიმუმ 84%,  რომ ვიდეოს ჩართვამ საოცრად გაზარდა მათ მიერ მიღებული ტრაფიკი.

4. გაზარდეთ ვიზიტორების გვერდზე დარჩენის საშუალო დრო

ვიდეოში მოძრაობის, გამოსახულების და ბგერების კომბინაცია, არა მხოლოდ იპყრობს ვიზიტორის ყურადღებას, არამედ ტოვებს მათ საიტზე.

ვიდეოს მქონე ვებსაიტს საშუალოდ 7 წუთზე მეტი დრო აქვს დახარჯული, იმ ვებსაიტთან შედარებით, სადაც ვიდეო არ არის. ვებსაიტზე დახარჯული მეტი დრო ნიშნავს, რომ ვიზიტორი მეტი დროით რჩება საიტზე და ეცნობა ინფორმაციას თქვენი შეთავაზების შესახებ. ასევე გიქმნით წარმოდგენას იმის შესახებ, თუ რამდენად მიმზიდველი და საინტერესოა აუდიტორიისთვის.

ვიდეო კონტენტს აქვს ყველა სხვა ტიპის კონტენტის მოცვის უნარი – მათ შორის ტექსტი, მოკლე ვიდეო კლიპი, ინფოგრაფიკა, სტატისტიკა, სურათები და ბმულები ერთ მედიაში. ეს ყველაფერი კი ვიზიტორს აძლევს ყველა მისთვის საჭირო ინფორმაციას. ამრიგად, ეს იწვევს გვერდზე ვიზიტორის ყოფნის დროის გაზრდას, რის შედეგადაც მცირდება bounce rate.

5. მიიღეთ შესანიშნავი ROI

ვიდეო მარკეტოლოგების 89% ფიქრობს, რომ ვიდეო, ზოგადად, კარგი საშუალებაა გაყიდვების გასაზრდელად. თქვენი პირველი აზრი შეიძლება იყოს ის, რომ ვიდეოს წარმოება ძვირია, მაგრამ იფიქრეთ, რომ ეს არის სწორად გაღებული ხარჯები თქვენი ბიზნესისთვის, მაღალი ROI-ის მისაღებად.

თქვენ შეგიძლიათ მიუთითოთ თქვენი გუნდის წევრებს, დაიწყონ ფიქრი მოკლე ვიდეოებზე, რომლებიც ხსნის, თუ როგორ მუშაობს თქვენი პროდუქტი, აჩვენოს ახალი ფუნქციები და გამოშვებები, ან თუნდაც გამოიყენოს ვიდეო კადრები, ბედნიერი მომხმარებლებისგან. ვიდეო მარკეტინგის სამყაროში გაწევრიანება ბუნებრივი არჩევანია ბიზნესისთვის, რომელსაც სურს გაყიდვების ზრდა და განვითარება.
დღევანდელ ციფრულ დიდ კონკურენციაში, თქვენი ვებსაიტის შინაარსი კარგად უნდა იყოს მორგებული ციფრული სამყაროს მუდმივად მზარდ მოთხოვნებს.

როგორც ბიზნესისა და ვებსაიტის მფლობელი, მნიშვნელოვანია იცოდეთ, რომ ზოგიერთი თქვენი ვიზიტორი უკეთ სწავლობს მოსმენით, ზოგი კი ნახვით. ამიტომ თქვენ უნდა იპოვოთ სრულყოფილი ბალანსი ტექსტზე დაფუძნებულ და ვიზუალურ შინაარსს შორის. ეს თქვენს ვებსაიტზე გვერდებს უფრო მიმზიდველს გახდის.