სარეკლამო ბანერის დასამზადებლად, მთელი რიგი სამუშაოებია გასატარებელი. საქმიანობა იწყება კამპანიის დაგეგმვით და სრულდება მის სასურველ მიზნამდე მიყვანით. დიზაინის ცოდნა ერთ-ერთი კომპონენტია ეფექტური სარეკლამო ბანერების კამპანიის შესაქმნელად. ასევე მნიშვნელოვანია სხვა ელემენტები, როგორიცაა განთავსება და ეფექტური ლენდინგ გვერდების შექმნა.
გსმენიათ ბენჟამინ ფრანკლინის სიტყვები – „თუ გეგმა წარუმატებელია, წარუმატებლობა დაგიგეგმავთ“? ეს სიტყვები განსაკუთრებით ეხება ბანერული რეკლამების შემუშავებას. თქვენ უნდა დახარჯოთ მინიმუმ იმდენი დრო თქვენი სარეკლამო ბანერის დაგეგმვაზე, რამდენიც შემდეგ მის დამზადებაზე. დაგეგმვა დაგეხმარებათ ჩამოაყალიბოთ კონკრეტული მიზნები და იდეები, რაც ხელს შეუწყობს კამპანიის უკეთ შესრულებას, დაწკაპუნების მაღალ მაჩვენებლებს და უკეთეს გაყიდვებს. აქ მოცემულია კითხვები, რომლებიც საკუთარ თავს უნდა დაუსვათ და რაზეც უნდა იფიქროთ სარეკლამო ბანერის დაგეგმვისას:
თქვენი საერთო მიზნის განსაზღვრა მნიშვნელოვანია სარეკლამო ბანერის დამზადებისას. მიზნის გარეშე, თქვენი რეკლამა სხვა არაფერი იქნება, თუ არა მხოლოდ დასაწკაპუნებული სურათი. აქ აუცილებელია ვიფიქროთ საერთო პროცესზე.
სარეკლამო ბანერების მიზანი არ არის მხოლოდ მაყურებლის მიერ მასზე დაწკაპუნება. თქვენი მიზანი უნდა იყოს კონვერტაციების გაზრდა, ბრენდის ცნობადობის ამაღლება ან ხალხის მიერ პროდუქტის ყიდვა ან ჩამოტვირთვა. პირველ რიგში დაადგინეთ თქვენი მიზანი და შემდეგ ჩვენ დაგიმზადებთ სარეკლამო ბანერს ამ საბოლოო მიზნის გარშემო.
შემდეგ, თქვენ უნდა იფიქროთ თქვენს სამიზნე აუდიტორიაზე. საკუთარ თავს უნდა ჰკითხოთ: ვინ არის ჩემი სამიზნე აუდიტორია? რა უნდათ მათ? რა არის მათი საჭიროებები და პრობლემები? რა დააწკაპუნებინებს მათ სარეკლამო ბანერზე?
ამ კითხვების უმეტესობაზე პასუხის გაცემა შედარებით მარტივი უნდა იყოს, რადგან უნდა იცოდეთ ვინ არიან თქვენი მომხმარებლები. ამასთან, თუ თქვენ ქმნით სარეკლამო ბანერს კლიენტისთვის, დარწმუნდით, რომ იცით, ვისკენ მიმართოთ ის. თქვენი სამიზნე აუდიტორიის შესწავლისთვის დროის დათმობა უზრუნველყოფს, რომ თქვენ არ გამოგრჩეთ არცერთი ნიშანი და არ შექმნათ წარუმატებელი სარეკლამო ბანერი.
რეკომენდირებული სტატია: ინტერნეტ რეკლამა: როგორ გავაკეთოთ რეკლამა ინტერნეტში
წარმატებული პარტნიორობა ქმნის საიმედოობის საფუძვლებს! ჩვენი ნამუშევრები მეტყველებენ ხარისხზე, რომელსაც გთავაზობთ.
დაბოლოს, უნდა იფიქროთ იმაზე, თუ რა ინფორმაცია და რესურსი გჭირდებათ სარეკლამო ბანერების დასამზადებლად. თქვენ უნდა გადაწყვიტოთ, თუ რა ზომის გაკეთებას აპირებთ, რამდენ ვერსიაში და სხვადასხვა ენაზე უნდა იყოს ბანერი. ასევე უნდა გადაწყვიტოთ, თქვენი სარეკლამო ბანერის დამზადება ხორციელდება HTML5-ში flash-ში თუ ორივე მათგანში. მას შემდეგ რაც დააზუსტებთ ამ ინფორმაციას, დაგეგმეთ რა რესურსები გჭირდებათ, გჭირდებათ დიზაინერები თუ გჭირდებათ ვინმეს პოვნა ბანერების სხვადასხვა ენაზე სათარგმნად? თქვენ ასევე უნდა განსაზღვროთ, როდის არის თქვენი ბანერის დამზადების ბოლო ვადა და რა დროს დახარჯავთ პროექტზე.
სარეკლამო ბანერების დამზადებისას მნიშვნელოვანია ტექსტის დაწერა, რადგან ეს საშუალებას მოგცემთ, ნათლად დაუკავშირდეთ თქვენს შეთავაზებას. აქ მთავარი წესია: დაწეროთ მოკლედ, მიმზიდველად და ზუსტად. გაითვალისწინეთ, რომ მაყურებელს არ სურს ტექსტის სტრიქონებად კითხვა, მიუხედავად იმისა, თუ რამდენად კარგადაა დაწერილი. ამიტომ, დაწერეთ მოკლედ.
რა მესიჯის გადმოცემა გსურთ? ეს უნდა იყოს თქვენი მთავარი აზრი, როდესაც სარეკლამო ბანერის ასლს წერთ. დაფიქრდით თქვენი ზოგადი მიზნის შესახებ და დაწერეთ ტექსტი ამის საფუძველზე. თუ ფასდაკლებას სთავაზობთ, გამოიყენეთ მაცდური ტექსტი, როგორიცაა 70%-ანი ფასდაკლება, სადაც ნათლად არის ნათქვამი რას სთავაზობთ.
ტექსტის წერისას ასევე უნდა გახსოვდეთ, რომ მართლწერა და გრამატიკა უნდა იყოს კარგი, ხოლო თუ თქვენ თარგმნით ბანერებს სხვადასხვა ენაზე, დარწმუნდით, რომ ტექსტი მუშაობს თანაბრად და ეფექტურად ყველა ენაზე: მხოლოდ სათარგმნ ვებსაიტს ნუ დაეყრდნობი, აზრი ჰკითხე ენის მცოდნეს.
რეკომენდირებული სტატია: Facebook Ads vs. Google AdWords – ფეისბუქის თუ გუგლის რეკლამა?
თქვენი სარეკლამო ბანერის ვიზუალური ასპექტი ერთ-ერთი ყველაზე მნიშვნელოვანი ელემენტია, რომლის შესახებაც უნდა იფიქროთ მისი შექმნისას. დიზაინის მოფიქრებისას უნდა გაითვალისწინოთ რამდენიმე ვიზუალური ელემენტი:
პირველ რიგში, უნდა იფიქროთ ფერიზე და იმაზე, თუ როგორ აპირებთ მის გამოყენებას. განსხვავებული ფერები განსხვავებულ ემოციებს გამოიწვევს მაყურებელში, როგორც ეს ქვემოთ მოცემულ სურათზეა ნაჩვენები. იმაზე ფიქრი, თუ რა სახის გზავნილის გადმოცემა გსურთ, დაგეხმარებათ ფერების შერჩევაში.
წყარო: The Logo Company
მეორე ნაბიჯზე, ფერის შერჩევისას უნდა იფიქროთ იმაზე, თუ როგორ აპირებთ მის გამოყენებას. ძალიან ბევრი ფერი შეიძლება ყურადღების გამფანტველად ან არასასიამოვნოდ გამოიყურებოდეს, თუმცა ზედმეტად მცირე ფერებმა შეიძლება თვალისმომჭრელობა არ შემატოს რეკლამას, რის გამოც მასზე ხალხი არ დააწკაპუნებს. ეცადეთ, რომ თეთრი სივრცე ეფექტურად გამოიყენოთ, ეს ხელს შეუწყობს თქვენი დიზაინის გაუმჯობესებას.
ტექსტის ვიზუალური ასპექტიც ასევე მნიშვნელოვანია. აუცილებელა, აირჩიოთ შრიფტი, რომელიც ადვილად იკითხება. მოერიდეთ ძალიან დატვირთული ან ერთი შეხედვით მარტივად წასაკითხი შრიფტების გამოყენებას. თქვენი ტექსტის ფერი ასევე მნიშვნელოვანია, რადგან ეს ხელს შეუწყობს ბანერის ეფექტურობას. დარწმუნდით, რომ თქვენი შრიფტი ბანერის ფონზე მკვეთრად გამოხატულია. იგივე ეხება შრიფტის ზომას და ინტერვალს. ძალიან მცირე ზომის ტექსტს ხალხი გამოტოვებს, ხოლო შრიფტი, რომელიც ძალიან შემჭიდროვებულია, ადვილად ვერ იკითხება.
სურათები და გრაფიკული დიზაინი სარეკლამო ბანერს ბევრად უფრო მიმზიდველს და თვალშისაცემს გახდის. შეარჩიეთ მისთვის შესაფერისი სურათები. თუ თქვენ ფლობთ ელექტრონული კომერციის მაღაზიას, შეიძლება დაგჭირდეთ ზოგიერთი თქვენი პროდუქტის განთავსება ბანერის რეკლამაში, ან თუ ფლობთ ავტომობილების წარმომადგენლობას, ბანერზე უნდა გამოაჩინოთ თქვენი უახლესი მანქანის მოდელები. გამოიყენეთ სურათები გონივრულად, ისევე როგორც ტექსტი და ფერები, ნუ გადატვირთავთ თქვენს სარეკლამო ბანერს.
გადაწყვიტეთ, როგორი სურათის გამოყენებას აპირებთ. პროფესიონალურ ნამუშევარს შეიძენთ თუ თქვენ თვითონ დაგაიღებთ ფოტოს? გაითვალისწინეთ, რომ ორივე შემთხვევაში სურათის ხარისხი კარგი უნდა იყოს. თუ უხარისხო ფოტოს გამოიყენებთ, თქვენი კომპანია არაპროფესიონალურად წარმოჩინდება და ხალხი აარიდებს თავს დაწკაპუნებას.
ანიმაციები არის ვიზუალის საბოლოო ელემენტი, რომელიც უნდა გაითვალისწინოთ დიზაინის გაუმჯობესებისას. მიუხედავად იმისა, რომ ანიმაციებს შეუძლია გააცოცხლოს თქვენი სარეკლამო ბანერი, ნუ გადაამეტებთ და ეცადეთ ზომიერება შეინარჩუნოთ. ანიმაცია უბრალო უნდა იყის. მოერიდეთ ნათებას და ციმციმს, გადასვლები კი გლუვი გახადეთ.
გარდა ამისა, შესაძლებელია ვიდეორგოლის ჩართვაც, თუმცა გაითვალისწინეთ, რომ ის შესაბამისობაში უნდა იყოს თქვენს კამპანიასა და მიზნებთან.
არსებობს მხოლოდ ერთი უტყუარი გზა იმის დასადგენად, გაუმჯობესდა თუ არა დიზაინი და ეს არის ნამუშევრის ტესტირება. თქვენი სარეკლამო ბანერების შემოწმების საუკეთესო გზაა A / B ტესტირება. ეს ნიშნავს ორი სხვადასხვა ვარიანტის გამოყენებას, მათ შედეგებზე დაკვირვებას და შემდეგ უკეთესის დატოვებას. თქვენ უნდა დააკვირდეთ, რომელს უკეთესი მაჩვენებლები აქვს დაწკაპუნების მიხედვით, ლიდების გენერაციისა და გაყიდვების თვალსაზრისით. ასევე მოითხოვეთ უკუკავშირი კოლეგების, მომხმარებლების ან თქვენი სამიზნე აუდიტორიისგან ინტერნეტ ფორუმებზე. ეს დაგეხმარებათ ცვლილებების შეტანაში და მასზე არსებულ რეაქციასაც შეამოწმებთ.
გაქვს შეკითხვები?
სამუშაო საათები
ორშ-პარ: 10:00-19:00 საათი
შაბ-კვირ: 11:00-18:00 საათი
© 2024 IMC.GE - ყველა საავტორო უფლება დაცულია!
